謝謝 皇家太平洋酒店 邀請，等我地三口子可以嚟預先感受聖誕氣氛，我地仲遇到好友，所以大有大傾…細有細玩，大家都過左一個開心嘅晚上。
當然開心除左可以同好友相遇，亦都係因為食左一個豐富嘅晚餐，先嚟有老公最鐘意嘅冰鎮海鮮，佢話長蟹腳同埋開邊龍蝦都唔錯，而且仲一直都有有Refill，唔錯哦！
我自己就對爐端燒分外有感，款式都算多，我個人強烈推介燒龍蝦同埋燒秋葵，平日因為口感唔鐘意所以都好少食秋葵，估唔到燒過嘅秋葵口感即刻唔同晒。另外驚喜嘅仲有海膽手卷，同埋熱葷嘅松露安斯極上牛柳粒、火雞釀臘味栗子糯米飯同埋枝竹羊腩煲都好吸引，我都真係食唔少。
最令小小豬期待嘅就一定係甜品，聖誕樹頭蛋糕、聖誕栗子批、聖誕雜乾果蛋糕佢都食唔少，當然佢至愛嘅Movenpick雪糕就絕對係佢杯茶，成日話帶朋友仔去拎雪糕，其實係佢自己想食就真…哈哈哈~
????小小豬Kinsey????
? Blogger：http://www.kinseymama.com/
? FB page：https://www.facebook.com/kinseymama/
? IG：https://www.instagram.com/kinsey_mama/
? YouTube：http://www.youtube.com/c/小小豬Kinsey
